وشەیەك دەزێم و خەتەنەی دەكەم

 

باوەشێك دەفرۆشم و حەزێك دەگریم

 

پرسیارێك ون دەكەم و ئامێزم!!!!!!!!!!!!

!

گۆی مەمكم دەخەمە زاری تەواوی پیتە گڕگرتووەكان و

 

ئاگر ئەدەم پێخەفی گشت پیاوە لاسارەكان

 

فرمێسكی پێنووس دەسڕمەوە و

 

گۆنای گوناهباری لاپەڕە دەشۆمەوە

 

قەحبەترین سەرینەكانیش كایەی ژن و...

 

لە یاد ئەكەن

 

مەودا نییە بۆ نووسینی سەمای ماچی لێوەكان و

 

باوەش بە خەیاڵەكان ئەفرۆشرێ

 

غەریب‌تر لە وشە كێیە؟!

 

هەموو رۆژێ لە دایك ئەبێت و

 

قەرەی بیژوویەكی لە باوەش گرتوو